Excerpt from the donor's inscription of St. Polyeuktos included in Anthologia Palatina
Εἰς τὸν ναὸν τοῦ ἁγίου μάρτυρος Πολυεύκτου
Εὐδοκίη μὲν ἄνασσα, Θεὸν σπεύδουσα γεραίρειν,.......... (1)
πρώτη νηὸν ἔτευξε θεοφραδέος Πολυεύκτου·
ἀλλ’ οὐ τοῖον ἔτευξε καὶ οὐ τόσον· οὔ τινι φειδοῖ,
οὐ κτεάτων χατέουσα (τίνος βασίλεια χατίζει;)
ἀλλ’ ὡς θυμὸν ἔχουσα θεοπρόπον, ὅττι γενέθλην.......... (5)
καλλείψει δεδαυῖαν ἀμείνονα κόσμον ὀπάζειν.
ἔνθεν Ἰουλιανή, ζαθέων ἀμάρυγμα τοκήων,
τέτρατον ἐκ κείνων βασιλήιον αἷμα λαχοῦσα,
ἐλπίδας οὐκ ἔψευσεν ἀριστώδινος ἀνάσσης,
ἀλλά μιν ἐκ βαιοῖο μέγαν καὶ τοῖον ἐγείρει, ...................(10)
κῦδος ἀεξήσασα πολυσκήπτρων γενετήρων·
πάντα γάρ, ὅσσα τέλεσσεν, ὑπέρτερα τεῦξε τοκήων,
ὀρθὴν πίστιν ἔχουσα φιλοχρίστοιο μενοινῆς.
τίς γὰρ Ἰουλιανὴν οὐκ ἔκλυεν, ὅττι καὶ αὐτοὺς
εὐκαμάτοις ἔργοισιν ἑοὺς φαίδρυνε τοκῆας,...................(15)
εὐσεβίης ἀλέγουσα; μόνη δ’ ἱδρῶτι δικαίῳ
ἄξιον οἶκον ἔτευξεν ἀειζώῳ Πολυεύκτῳ.
Beckby, H. (επιμ.), Anthologia Graeca Ι (Munich 1965), 10, vers. 1-17.
The imperial procession passes from St. Polyeuktos on Easter Mondey
Ὑποστροφὴ τῶν δεσποτῶν δείλης ἀπὸ τοὺς Ἁγίους Ἀποστόλους πρὸς τὸ παλάτιον.
Δοχὴ α΄, εἰς τοὺς Λέοντας...
Δοχὴ β΄, εἰς τὸν Ἅγιον Πολύευκτον. Δέχεται ἐκεῖσε ὁ δήμαρχος τῶν Βενέτων μετὰ τοῦ δήμου τοῦ Λευκοῦ, καὶ λέγουσιν οἱ κράκται· Καλῶς ἦλθεν ἡ ἔνθεος βασιλεία.
Reiske, J. (ed.), Constantini Porphyrogeniti Imperatoris De cerimoniis aulae byzantinae 1 (Corpus Scriptorum Historiae Byzantinae, Bonn 1829), p. 50
On the location of St. Polyeuktos in Constantinople
... καὶ ἀνελθὼν τὴν Μέσην, διέρχεται διά τε τῶν Ἀρτοπωλίων καὶ τοῦ Ταύρου. Καταλαβὼν τὸν ναὸν τῆς Παναγίας τῶν Διακονίσσης, ἐπιδίδωσιν ὁ βασιλεὺς τὸ λιτανίκιον, καὶ μέχρι τοῦ Φιλαδελφίου, διελθών, ἐκκλίνει τὸ δεξιὸν μέρος, καὶ ἔρχεται διὰ τε τῶν Ὀλυβρίου καὶ τῶν Κωνσταντινιανῶν μέχρι τοῦ Ἁγίου Πολυεύκτου.
Reiske, J. (ed.), Constantini Porphyrogeniti Imperatoris De cerimoniis aulae byzantinae 1 (Corpus Scriptorum Historiae Byzantinae, Bonn 1829), pp. 75-6.