Μνημειακή διαμόρφωση του Τριβουναλίου του Εβδόμου από τον Ουάλη
ἢ πῶς οὐκ ἄτοπον τὴν μὲν ἐσχατιάν, ἐφ’ ἧς τὴν ἁλουργίδα ἐνήψω, περιφανεστέραν ποιῆσαι κρηπῖδι καὶ βήματι καὶ ἀνδριάσι, τῇ πόλει δέ, ἣν οὐκ ὀκνεῖς ὀνομάζειν μητέρα τῆς ἀναρρήσεως, μὴ οἴεσθαι ἐποφλισκάνειν τὰ χαριστήρια;
Θεμίστιος, «Φιλάδελφοι ή περί φιλανθρωπίας», 83α, Downey, G. – Schenkl, H. (επιμ.), Themistii orationes quae supersunt 1 (Leipzig 1965), σελ. 123.
Ανέγερση του ναού του Προφήτη Σαμουήλ από τον Αρκάδιο Α΄
καὶ τοῦ προφήτου Σαμουὴλ τὸ ἅγιον λείψανον εἰσῆλθεν ἐν τῇ πόλει ἐπὶ Ἀρκαδίου τοῦ υἱοῦ αὐτοῦ καὶ ἐτέθη εἰς τὸν ναὸν τοῦ Ἑβδόμου· ὁ δὲ Ἀττικὸς ἦν πατριάρχης τῷ τότε καιρῷ καὶ κατέθετο ταῦτα ὡς εἴρηται εἰς τὸ Ἕβδομον.
Ψευδο-Κωδινός, Πάτρια Κωνσταντινουπόλεως ΙΙα 2, Preger, T. (επιμ.), Scriptores originum Constantinopolitanarum 2 (Leipzig 1907, ανατ. 1975), σελ. 211.
Οι ναοί του Αγίου Ιωάννη Θεολόγου και του Αγίου Ιωάννη Προδρόμου στο Έβδομον
(144) Τὸ δὲ Ἕβδομον ὁ δρομικὸς ναὸς ἐκτίσθη παρὰ τοῦ μεγάλου Κωνσταντίνου εἰς ὄνομα τοῦ ἁγίου Ἰωάννου τοῦ θεολόγου.
(145) Ὁ δὲ στρογγυλόστεγος ὁ ἔχων τὰς κόγχας ὠνομάσθη Πρόδρομος καὶ ἐκτίσθη παρὰ Θεοδοσίου τοῦ μεγάλου, ὅτι ἐν τοῖς χρόνοις αὐτοῦ ἡ ἁγία κεφαλὴ τοῦ Προδρόμου εἰσῆλθεν, καὶ ἐδέξατο αὐτὴν εἰς τὸ Ἕβδομον ὁ βασιλεὺς καὶ ἀπέθετο εἰς τὸν ναὸν τοῦ Θεολόγου μετὰ Νεκταρίου πατριάρχου. Ὁ δὲ μάγιστρος Ῥουφῖνος ἔπεισεν τὸν βασιλέα κτίσαι ναὸν τοῦ Προδρόμου εἰς τὸ τεθῆναι τὴν ἁγίαν αὐτοῦ κάραν.
Ψευδο-Κωδινός, Πάτρια Κωνσταντινουπόλεως ΙΙΙ:144-145, Preger, T. (επιμ.), Scriptores originum Constantinopolitanarum 2 (Leipzig 1907, ανατ. 1975), σελ. 260.
Οικοδομική δραστηριότητα του Ιουστινιανού Α΄ στο Έβδομον
α. Φρούριόν ἐστιν ἐν προαστείῳ τῆς πόλεως, ὅπερ Στρογγύλον ὁμωνύμως τῇ τοῦ ἐρύματος συνθέσει καλοῦσιν.
Προκόπιος, Περί κτισμάτων 4.8.4, Wirth G. – Haury, J. (επιμ.), Procopii Caesariensis opera omnia 4 (Leipzig 1964), σελ. 134.
β. καὶ τὸ Θεοδότης ἁγίας ἐν προαστείῳ καλουμένῳ Ἑβδόμῳ. ταῦτα γὰρ ἅπαντα ὁ βασιλεὺς οὗτος ἐπὶ τοῦ θείου Ἰουστίνου βασιλεύοντος ἐκ θεμελίων ἐδείματο, ἀπαγγέλλεσθαι μὲν οὐ ῥᾴδια λόγῳ, θαυμάζεσθαι δὲ ὄψει κατὰ τὴν ἀξίαν ἀμήχανα.
Προκόπιος, Περί κτισμάτων 1.4.29-30, Wirth G. – Haury, J. (επιμ.), Procopii Caesariensis opera omnia, 4 (Leipzig 1964), σελ. 26.
Η απόβαση των Αράβων στο Έβδομον το 717
Τούτῳ τῷ ἔτει ὁ προλεχθεὶς τῶν θεομάχων στόλος ἀναβάλας προσώρμισεν ἐν τοῖς Θρᾳκῴοις μέρεσιν ἀπὸ τῆς πρὸς δύσιν ἀκρότητος τοῦ Ἑβδόμου, ἤτοι τῆς λεγομένης Μαγναύρας, μέχρι πάλιν τοῦ πρὸς ἀνατολὴν ἀκρωτηρίου τοῦ λεγομένου Κυκλοβίου.
Θεοφάνης, Χρονογραφία 1, de Boor, C. (επιμ.) (Leipzig 1883, ανατ. Hildesheim 1963), σελ. 353.
Ανακαίνιση του ναού του Αγίου Ιωάννη Θεολόγου στο Έβδομον από το Βασίλειο Α΄
Οὐ κατὰ τὴν πόλιν δὲ μόνον τὰ τοιαῦτα τῶν ἔργων θεοφιλῶς τε ἅμα καὶ φιλοτίμως εἰργάζετο, ἀλλὰ καὶ ταύτης ἐκτὸς τὴν ὁμοίαν ἐπεδείκνυτο ἐπιμέλειαν. μεθ’ ἧς καὶ τὸν τοῦ ἀποστόλου καὶ εὐαγγελιστοῦ Ἰωάννου τοῦ θεολόγου ἐν τῷ καλουμένῳ Ἑβδόμῳ ναὸν τῷ χρόνῳ πονήσαντα καὶ καταβληθέντα ἀνίστησι, καλλοναῖς τε ὡραΐσας καὶ ὀχυρώμασι κατασφαλισάμενος. ἔτι δὲ καὶ τὸν πλησιόχωρον αὐτοῦ τοῦ προδρόμου οἶκον, πρὸ πάνυ πολλῶν καταπτωθέντα χρόνων καὶ ἐρείπιον ἀντὶ ναοῦ χρηματίζοντα, περικαθαίρει μὲν τῆς ὕλης καὶ τῶν χωμάτων, ταχίστῃ δὲ οἰκοδομῇ καὶ ἐπιμελείᾳ τῶν περιφανῶν καὶ μεγάλων ἴσον καθίστησι.
Συνεχισταί Θεοφάνους, Βίος Βασιλείου, Bekker, I. (επιμ.), Theophanes Continuatus, Ioannes Cameniata, Symeon Magister, Georgius Monachus (CSHB, Bonn 1838), σελ. 340.